Edukira salto egin | Salto egin nabigazioara

Helmhotz organoaren 50. urteurrena: kontzertua Coliseoan

2011/09/22
Emanaldi ederra eskainiko dute Sostoa abesbatzak, Iñaki Orbegozo (tronpa), Ainhoa Urkizuk (klarinetea) eta Juan Luis Aguirrek (organoa) Eibarren egin zen Helmhotz organoaren 50. urteurrena dela eta. Irailaren 23an izango da, Coliseoan, iluntzeko 20:30etan.

Argazkia: Diario de Noticias

Helmholtz Electrónica SA enpresa Errekatxu kaleko 14an jartzeko  baimena 1957ko azaroaren 27an eman zion udalak Jose Luis Elorza Chinchurretari; berarekin batera José eta Jesús Ibaceta Arrate anaiak zeuden beharrean..  Aurrenik Errekatxun, gero Rialto zine-aretoaren gaineko aldean eta azkenik Barrena kalean egon zen enpresa.

Chicagon egiten zen Hammond organoaren kopia zehatza egitea lortu zuten Eibarren; amerikanoak ere harrituta geratu omen ziren Eibarrera etorri zirenean: pieza guzti-guztiak, eibartarrek marraztu, kalkulatu, diseinatu eta bertan  fabrikatutakoak ziren. Herriko enpresa askoren lana zegoen tartean (trokelak, moldeak...).Horrelako organo bat egiteko erabili beharreko materialak ere ez ziren nolanahikoak: paladioa, zilarra, aleazio bereziak...  Jesus Maria Aguirre adituaren esanetan  benetako artelana. 1967. urtean, Hammond etxeko organista ofizialak, Charles Wilsonek, Eibarko tailarren bertan probatu zuen organoa.

Guztira 50 organo inguru izan ziren han hemenka  saldutakoak (Madril, Valladolid, Santiago, Gasteiz, Pontevedra...). Horietako bat Chicagoko Hammond fabrikaren zentralera eraman zen.. 1970. urtearen inguruan, telebista-aparatuak egiten hasi ziren eta 1972. urteko martxoaren 1ean, Jose  Ibacetak “ prozedura optiko-elektronikoa erabilita telebistako irudi handiak koloretan  proiektatzeko sistema”  patentatu zuen.

Dokumentuaren akzioak