Luis Aranberri Amatiñoren liburua, La pelota según Miguel Gallastegui, abenduaren 23an, astelehena, aurkeztuko da Eibarren
Bergara, 1948. Argazkilaria: Toribio Jauregi (Isabel Vidarte Charolak utzia)
Aurkezpen ekitaldiaren gidaritza Pedro Mari Goikoetxea kazetariaren esku dago eta "Miguel Gallastegui, ni pelotari" ETBk ekoitzi duen dokumentalaren zati bat eskainiko da, aste horretan bertan telebistatik emango dena.
Amatiñoren liburuak 252 orrialde, 134 argazki eta 394 orrialde-oin ditu. Argazki gehienak Miguel Gallastegui berarenak dira, baina badaude beste pertsona askok eta hainbat erakundek edo taldek lagatako erretratu eder askoak ere.
Miguel Gallastegui eta Eibar: gizonaren eta herriaren erretratatua atera du Amatiñok idatzitako lanean, baina, horrez gain, pilotaren historiaren zati handi bat ere ederto asko islatu du, hedabideen lana ahazteke.
Bestalde, abenduaren 29an Eibarko Astelena frontoian jokatuko den binakako txapelketaren partidan, Miguel Gallasteguiri egingo zaio gorazarre, egun horretan bera izango da gonbidatu nagusia eta estelarraren aurretik (Martinez de Irujo-Barriola / Ezkurdia-Zabaleta), txapa botako duena.
Aurkezpen egunean liburua merkeago egongo da (10 euroan). Liburuaren prezioa 16 euro da. Webgune honetan ere lortu daiteke liburua PDF formatuan astelehenetik aurrera. Liburuari buruzko informazio gehiago albiste honetan duzue eta Migel Gallastegiren biografia labur bat gure webgunean.Dokumentuaren akzioak
